“Кўз ёшим 2” фильмининг намойиши бўлиб ўтди

Куни кеча Алишер Навоий номли киносаройида “Кўз ёшим 2” фильмининг намойиши бўлиб ўтди. Мазкур картина тақдимотида кино ижодкорлар, уларнинг яқинлари, ҳамкасблари ва ОАВ вакиллари иштирок этди.

“Кўз ёшим” фильми катта экранларга чиққанидаёқ кўпчиликнинг эътиборини тортган.

Томошабинларнинг баҳоси ва фикрларини инобатга олган ҳолда кино ижодкорлар “Кўз ёшим 2” фильмини яратишга аҳд қилишди. Мазкур картина ҳам илк намойишидаёқ мухлислар қалбидан жой олди. Кино асар тарбиявий аҳамиятга эга. Сиз бу фильмни 7-майдан юртимиз кинотеатрларида томоша қилишингиз мумкин.

Эслатиб ўтамиз, Озод Шамс режиссёрлигида суратга олинган картинада бош ролларни Шавкат Комилов, Ситора Алимжонова, Севара Солиева ва Ойдин Юсупова ижро этган.